Tahiri kërkon paqe: Dialogu me Serbinë duhet të vazhdojë
Ministrja për Dialog, Edita Tahiri ka deklaruar se edhe përkundër tensioneve të krijuar nga Serbia, Kosova mbete e përkushtuar për bisedime.

“Lidhur me këtë çështje, kryeministri i Kosovës, Isa Mustafa në mbledhjen e qeverisë ka bërë të qartë qëndrimin e Republikës së Kosovës, se Kosova do të mbetet e përkushtuar për dialogun e Brukselit”, ka thënë Tahiri për lajmi.net.

Ndërsa e pyetur se çka do të bisedohet tani e tutje në Bruksel, Tahiri nuk ka dashur të prononcohet deri sa të tejkalohen, siç tha ajo, tensionet e krijuar nga Serbia.

“Me gjithë këto tensione që i ka krijuar Serbia nuk po preferoj të flas me dialogun, le të tejkalohen njëherë tensionet, pastaj mund të flasim.

Ndërsa, sa a do të ketë kushtëzime nga ana e Kosovës për Serbinë në dialog, Tahiri tha se vlen gjithë deklarata e kryeministrit e cila sipas saj “është e qartë që Kosova mbetet e përkushtuardialog”.
Kryeministri, Isa Mustafa sot në mbledhjen e qeverisë tha se dialogu me Serbinë do të vazhdoi edhe përkundër vërejtjeve të shumta./Albeu.com/
Shtuar më 18/01/2017, ora 19:34

Shkruani komentin tuaj!
Të fundit nga kjo kategori