Stojanovic: Policia e paaftë, KFOR-i nevojshëm
Zëvendëskryeministri i Kosovës, Branimir Stojanovic, është shprehur se; policia është e paaftë dhe e painteresuar, andaj i bëj thirrje KFOR-it për të krijuar një postbllok në fshatin Paralovë të Novobërdës.

Kjo deklaratë e tij erdhi pas raportimeve të mediave serbe se të dielën pasdite në këtë fshat ishte sulmuar, Dragan Stojkovic nga vëllezërit Ibishi. "Ne jemi të alarmuar nga sulmet e fundit të cilat janë duke u zhvilluar për disa vite, dhe ne jemi të habitur me paaftësinë. Dyshojmë në bashkëfajësinë e policisë në keqtrajtimin sistematik të banorëve të Paralovës", ka thënë ai.

Duke dënuar incidentin, zëvendëskryeministër i Kosovës, tha se nuk ka durim e as besim në polici. "Durimit tonë për ta lehtësuar situatën dhe për ta ndaluar dhunën dhe sidomos ata që e vuajnë këtë dhunë i erdhi fundi dhe i bëj thirrje KFOR-it për të ngritur një postbllok në fshat për të mbrojtur njerëzit, jetën dhe pronën", tha Stojanovic.

Siç thuhet në një njoftim për media nga zyra e Stojanoviqit, ai si zëvendëskryeministër i Kosovës do t`i drejtohet për këtë çështje direkt edhe Komandantit të KFOR-it.

“Të gjitha lutjet e mia të mëparshme dhe ankesat në adresë të Drejtorisë së policisë nuk kanë hasur në mirëkuptim dhe për këtë arsye nga policia rajonale e Gjilanit, e posaçërisht nga ajo e Novobërdës nuk pres më asgjë”, ka shtuar zëvendësi i Isa Mustafës. /albeu.com/
Shtuar më 13/07/2016, ora 11:11

Shkruani komentin tuaj!
Të fundit nga kjo kategori