Sarri e pranon: Kam pasur probleme në dhomat e zhveshjes te Chelsea

Trajneri Italian, Maurizio Sarri ka pranuar se kishte pasur probleme në dhomat e zhvjeshjes në muajt e parë në krye të Chelseat, por në fund kur ai u kishte thënë se do të largohej nga klubi disa prej lojtarëve kishin shpërthyer në lot.

Pas shumë suksesesh në stolin e Napolit, Sarri mori në dorë Chelsea-n, me të cilin fitoi Europa League në sezonin e parë dhe përfundoi i treti në Premier League. Mirëpo, trajneri 61 vjeçar nuk e ka pasur të lehtë të ketë në drejtim skuadrën londineze, gjatë një interviste për mediat italiane, ai u shpreh se ishte e vështirë të ndërtojë një marrëdhënie me lojtarët.

“Sa më lartë t’i ngjitësh shkallët, aq më e vështirë është të ndërtosh një raport të mirë me lojtarët. Gjithçka ndyshon dhe tek Chelsea kasha shumë probleme në dhomat e zhveshjes, por kur u thashë se do të largohesha, shumë prej tyre qanë”, ka deklaruar Sarri.

“Unë nuk jam një person që i mbron shumë njerëzit për të kaluarën. Unë flas shumë për ata që bëjnë gabime dhe më pak për gjërat e mira. Mendoj se kjo ka një ndikim të madh, por më pas ata mësojnë t’ju vlerësojnë se kush jeni.”

Sarri tha më pas se ai kurrë nuk do të jetonte në Angli, por që futbolli atje është i shkëlqyeshëm dhe ai i mungon.

“Unë kurrë nuk do të jetoja në Angli. Të rinjtë janë më të avantazhuar nga të moshuarit, ktu nuk po flas për futbollin, por për jetën në përgjithësi.

Më mungon Premiera, futbolli është vërtet i shkëlqyer, por jeta nuk është, ky është mendimi im, ” u shpreh Sarri.


Shtuar 18.04.2020 10:26