Sondazhi në Albeu.com: Kryesojnë PDK dhe Vetëvendosje, "fundoset" AKR!
Ndërsa me zgjedhjet në Kosovë na ndajnë pak më shumë se një ditë, sondazhi që po zhvillohet në Portalin Albeu nxjerr statistika interesante për rezultatet.

Sipas sondazhit të Portalit Albeu.com, i cili do të ngelet i hapur deri sonte në orën 00:00 (e premte), dhe në të cilin mund të votojnë vetëm vizitorët nga Kosova edhe atë vetëm një herë, partia e kryeministrit Thaçi duket fituese me 32.12% të votave, ndërsa Lëvizja Vetëvendosje e dyta me 28.78%.

Lidhja Demokratike e Kosovës e Isa Mustafës, me 21.94% renditet e treta para "Nisma për Kosovën" e cila ka 5.66% dhe AAK me 5.35%.

Ndërkohë, sondazhiAlbeu.com ka një lajm të keq për AKR-në e Behgjet Pacollit. Sipas lexuesve të Albeut, kjo parti do të marrë 3.26%, duke mos kaluar pragun zgjedhor.

Vlen të theksohet se ky rezultat pasqyron bindjet e lexuesve të Portalit tonë nga Kosova dhe nuk ka vlerë shkencore pasi ka synuar vetëm audiencën shqiptare, pa marrë parasysh indikatorë të tjerë, të cilët mund të ndikojnë në ndryshimin e rezultatit.

Portali Albeu.com, ashtu siç bëri në zgjedhjet e lokale të vitittë kaluar, edhe pasnesër do të pasqyrojë minutë pas minute rezultatet e zgjedhjeve në Kosovë në faqen speciale teë zgjedhjeve.

Rezultatet e vitit 2010
zgjedhjet e kaluara të përgjithshme, PDK mori 32.11% (34 mandate), LDK 24.69% (27 mandate), Vetëvendosje 12.69% (14 mandate), AAK 11.04% (12 mandate), ndërsa Koalicioni AKR-PD-PSD-PPI-PPK-PNDSH-PGJK 7.29% ose 8 mandatet. Mandatet tjera u morrën nga partitë e minoriteteve të cilët kanë karrike teë rezervuara në parlamentin e Kosovës. /albeu.com/
Shtuar më 06/06/2014, ora 16:44

Shkruani komentin tuaj!
Të fundit nga kjo kategori