Situata në veri, reagon Thaçi: Neglizhencë dhe papërgjegjshmëri e qeverisë së Kosovë
Presidenti i Kosovës, Hashim Thaçi ka reaguar pas situatës së fundit të krijuar në veri të vendit, ku komunat serbe iu përgjigjën një urdhëri të lëshuar nga Serbia për futjen në karantinë pas përhapjes së koronavirusit.

Me anë të një postimi në Facebook, Thaçi ka thënë se një situatë e tillë është e papranueshme dhe është rezultat i papërgjegjshmërisë së Qeverisë së Kosovës për të mbrojtur integritetin territorial të Kosovës.

Thaçi ka thënë se qeveria nuk guxon të lejojë që komunat në pjesën veriore të Kosovës të funksionojnë jashtë kontrollit menaxhues të organeve shtetërore të Kosovës.

“Si President i RepublikësKosovës jam duke e përcjellë me shumë shqetësim situatën e krijuar në veriun e RepublikësKosovës”, ka shkruar ndër të tjera presidenti.

Postimi i plotë i presidentit:

Situata e krijuar në komunat e veriut të Kosovës është e papranueshme dhe është rezultat i neglizhencës dhe papërgjegjshmërisë së Qeverisë së RepublikësKosovës për t’i ndihmuar e mbrojtur qytetarët dhe integritetin territorial të RepublikësKosovës.

Qeveria e RepublikësKosovës nuk guxon të lejojë që komunat në pjesën veriore të Kosovës të funksionojnë jashtë kontrollit menaxhues të institucioneve dhe organeve kompetente për parandalimin e pandemisë COVID-19, duke iu krijuar kështu hapësirë ilegale vepruese autoriteteve të Serbisë brenda territorit të shtetit tonë.

Të gjitha masat e ndërmarra nga institucionet shëndetësore dhe ato të rendit e ligjit, Qeveria e RepublikësKosovës e ka për detyrë të sigurohet që të zbatohen anekënd territorit të RepublikësKosovës.

Si President i RepublikësKosovës jam duke e përcjellë me shumë shqetësim situatën e krijuar në veriun e RepublikësKosovës.

I bëj thirrje Qeverisë së RepublikësKosovës që t’i përmbushë përgjegjësitë e saj ndaj qytetarëve tanë, të të gjitha komuniteteve, në tërë territorin e RepublikësKosovës.
Shtuar më 04/04/2020, ora 17:50

Shkruani komentin tuaj!
Të fundit nga kjo kategori