Shteti u jep një goditje të rëndë punëtorëve të KEK-ut
Pëlqej
Punëtorët e KEK-ut nuk do të marrin më qymyr falas me arsyen se ndotet ambienti. E megjithatë asgjë nuk mund t'i ndalojë ata që ta blenë pasi është edhe lirë.

Në arsyetimin e kësaj ndalese, thuhet se ky vendim është në përputhje me angazhimet e Task-Forcës ndërministrore për përmirësimin e cilësisë së ajrit me qëllim të mbrojtjes së ajrit dhe të stimulimit për zbatimin e masave për zhvillim të pastër në përputhje me Strategjinë për Mbrojtjen e Mjedisit.

Vitin e kaluar kryeqyteti i Kosovës, Prishtina figuronte ndër vendet e para në botë me ndotje të ajrit. Për këtë arsye ishte ndaluar shitja dhe përdorimi i qymyrit si lëndë djegëse.

Por të njëjtin problem kryeqyteti e ka edhe këtë vit. Instituti Kombëtar i Shëndetit Publik dje bëri të ditur se është rikthyer ndotja e ajrit dhe shkaktar për këtë janë termocentralet dhe përdorimi i ngrohjes.

Sipas matësve të cilësisë së ajrit të vendosur nga Ambasada amerikane në kryeqytet, mbrëmë ndotja e ajrit ka shënuar nivelin prej 122 PM, e cila cilësohet si shumë e pashëndetshme për grupe të caktuara të njerëzve.


Shtuar më 23/10/2018, ora 11:50
Shkruani komentin tuaj!
Të fundit nga kjo kategori