Serbët e veriut në mbledhje urgjente për "Trepçën"
Projektligji për "Trepçën", i cili do të hidhet sot për votim në Kuvend, ka detyruar palën serbe të zhvillojë një takim urgjent të përbashkët mes përfaqësuesve të katër komunave me shumicë serbe në veri të Kosovës.

Sipas medieve, mbledhja pritet të fillojë në orën 10:00 në komunën e Zveçanit në rendin e ditës do të jetë vetëm një pikë" "situata politike dhe e sigurisë, dhe arsyeja është miratimi i Projektligjit për "Trepçën" nga ana e Qeverisë së Kosovës".

Përfaqësuesit e Qeverisë serbe besojnë se 80 për qind të aksioneve të "Trepçës" i lë në kompetencat e Qeverisë së Kosovës.

Për shkak të këtij projektligji, punëtorët serbë kanë bllokuar rrugën kryesore Rashkë-Prishtinë në Rudarë afër Zveçanit, për dy ditë me rradhë, e cila pritet të vazhdojë edhe sot. /albeu.com/

Shtuar më 07/10/2016, ora 10:07
Shkruani komentin tuaj!
Të fundit nga kjo kategori