Serbia pretendon se Haradinaj dhe Thaçi do të jenë në sistemin e Interpol-it
Ministri i Punëve të Brendshme të Serbisë, Nebojsa Stefanoviq, ka thënë se fletarrestet e gjykatave serbe për kosovarët, të dërguara në INTERPOL janë kthyer në sistemin e Policisë Ndërkombëtare

Stefanoviq ka folur rreth vizitës së delegacionit serb në selinë e INTERPOL-it në Lion të Francës, ka thënë se atje kanë pasur biseda serioze dhe kanë insistuar që fletarrestet e gjykatave ndaj shqiptarëve të kthehen në sistem.

Fletarrestet kanë kthyer dhe janë të dukshme, përveç Ramush Haradinajt dhe Hashim Thaçit, të cilat janë në sistem, por për një kohë nuk do të jenë të dukshme”, ka thënë Stefanoviq.

Ai ka thënë se shteti serb do të insistojë që INTERPOL-i t'i respektojë gjykatat serbe apo që të zbatohen rregullat e së drejtës ndërkombëtare.

Sipas tij, bëhet fjalë për 20 fletarreste të lëshuara nga gjykatat serbe për shqiptarë të Kosovës.

Lajmi për heqjen e Haradinajt nga lista e INTERPOL-it ishte bërë i ditur në dhjetor të vitit të kaluar. Kërkesa në këtë institucion ishte bërë nga Zyra e UNMIK-ut.

Po ashtu, ishte raportuar se në këtë listë, përveç Haradinajt, bëjnë pjesë edhe Azem Syla, Shukri Buja, Tomor Morina, Sinan Morina, Fadil Kastrati, Murtez Kastrati, Ardian Duraku, Vitor Zefaj, Besim Vokshi, Mahmut Ukshini, Fadil Syleviqi, Sylë Qeriqi, Qamil Pajaziti, Shpejtim Demiri, Azem Olluri, Muharrem Gashi, Bujar Bobani, Rabit Aliji dhe Faruk Noshaj.


Shtuar më 12/04/2018, ora 13:10

Shkruani komentin tuaj!
Të fundit nga kjo kategori