Serbia nuk do të heq dorë nga vazhdimi i dialogut me Prishtinën dhe nga procesi i mëtejmë i integrimeve evropiane, pavarësisht mesazheve të qarta nga Brukseli se formulimi ‘kontestues” për “respektimin integritetit tokësor të Kosovës” mbetet në Strategjinë e shtrirjes.


Sipas gazetës “Veçernje Novosti” e cila i referohet burimeve në qeveri edhe pse kanë ndodhur zhurmimet në lidhjet midis dy partnerëve të koalicionit në Qeveri – përparimtarëve të Vuçiqit dhe socialistëve të Daçiqit po i afrohet fundit hartimi i Platformës për Kosovën dhe po formohet ekipi i ardhshëm negociues, raporton RTK.

Në negociata do të marrë pjesë aktive edhe nënkryeministri i parë, Aleksandar Vuçiq dhe disa ministra të tjerë. Mirëpo, nuk përjashtohet mundësia që ekipin serb ta udhëheqë presidenti Nikoliq, i cili thotë se nëse këtë do ta kërkojë Qeveria nga ai do ta pranojë pa telashe. Sipas gazetës Beogradi dhe Prishtina do të mund ta ripërtëritin dialogun brenda një muaji./albeu.com/