Serbia gati referendum për Kosovën
Ministri i Punëve të Jashtme të Serbisë, Ivica Daçiq, është shprehur se vënia e kufirit me Kosovën nuk është propozim zyrtar, por një ide e zyrtarëve shtetërorë, shkruan Albeu.com

Nëse kjo ide bëhet propozim zyrtar atëherë do të kalojë në Kuvendin e Serbisë si dhe për të do vendosin qytetarët përmes një referendum.

Këto komente të ministrit erdhën pas takimit me ministrin e Jashtëm të Burundit, Ezechiel Nibigira, pasi të martën Daçiq pati deklaruar se vënia e kufirit me Kosovën është propozim zyrtar i Serbisë.

Pas kësaj deklerate ka replikuar edhe Kryemintri Vuçiq duke thënë se ‘këtë ide e kam dhënë unë para dy vitesh’.

Çështja e ndryshimit të kufirit është përmendur disa herë edhe nga presindenti i Kosovës , Hashim Thaçi, I cili e quan këtë process “korrigjim të kufijve”. /albeu.com/
Shtuar më 20/02/2019, ora 19:19
Shkruani komentin tuaj!
Të fundit nga kjo kategori