Serbia dërgon avionët luftarakë në kufi me Kosovën
Aeroplanë ushtarak serbë mund të shihen që nga nesër duke fluturuar mbi komunat e banuara me popullsi shqiptare, Preshevën, Medvegjën e Bujanovcin.

Kjo është bërë e ditur përmes një njoftimi të lëshuar nga ministria serbe e Mbrojtjes, ku thuhet se në kuadër të një trajnimi të rregullt ushtarak, aeroplanët do të fluturojnë nga Nishi e në jug të Serbisë.

Sipas këtij njoftimi, ky trajnim do të zgjasë deri më datën 10 gusht.

Kujtojmë se kjo nuk është hera e parë që aeroplanë ushtarakë serbë do të fluturojnë mbi qiellin e Luginës.

Edhe më herët, të tillë aeroplanë kishin fluturuar shumë afër kufirit me Kosovën, gjë që kishte shkaktuar shqetësime të mëdha tek banorët e asaj pjese.

Shtuar më 05/08/2018, ora 16:15
Shkruani komentin tuaj!
Të fundit nga kjo kategori