Serbi-Kosovë në BE, nëpërmjet modelit të dy Gjermanive
Elizabeth Pond nga Qendra për Marrëdhënie Transatlantike - njëherësh autore e librit “Fundloja në Ballkan”, në një intervistë për Radion Evropa e Lirë është shprehur se njëri nga opsionet për normalizimin e marrëdhënieve ndërmjet Kosovës e Serbisë është precendenti i marrëveshjes ndërmjet të Gjermanisë Lindore dhe asaj Perëndimore në kohën e Luftës së Ftohtë që patën normalizuar marrëdhëniet pa e njohur formalisht njëra-tjetrën.

Sipas saj, BE-ja po e shqyrton këtë çështje me shpresën për të gjetur një zgjidhje të dyanshme.

"Kjo kërkon një angazhim të shtuar diplomatik, por mendoj se BE-ja po ecë në këtë drejtim. Ajo që mund të them nga bisedat që po zhvillohen në Berlin dhe Uashington është se Bashkimi Evropian dhe Shtetet e Bashkuara janë duke i bashkuar forcat për krejt këtë çështje. Në të kaluarën, liderët në Kosovë janë mbështetur më shumë në Shtetet e Bashkuara. Por, në këtë çështje nuk mendoj se ka ndonjë dallim ndërmjet BE-së dhe SHBA-së", tha Pond. /albeu.com/
Shtuar më 27/09/2012, ora 17:59

Shkruani komentin tuaj!
Të fundit nga kjo kategori