Bashkësia serbe në Amerikë kanë bërë një peticion dhe e kanë dërguar atë në Këshillin e shtetit të SHBA-ve, shkruan Telegraf.rs

Në peticionin e dërguar, serbët kanë dërguar edhe pesë kërkesa drejtuar presidentit Donald Trump.

Në peticionin e dërguar serbët kanë gënjyer rreth gjendjes së serbëve në Kosovë, duke u munduar të shtrembërojnë realitetin.

Aty shkruhej se qytetarët serb dhe të krishterët po torturohen. Po ashtu në peticion në një mënyrë e kërcënuan presidentin Donald Trump, duke ja përkujtuar që një milionë serb kanë të drejtë vote në SHBA.

Peticioni i tyre deri më tani po del të jetë një dështim, duke u nënshkruar vetëm nga dy persona.

Gënjeshtrat nga serbët ishin të llojllojshme. Ata në peticionin e dërguar pretendojnë që 40.000 serbë janë dëbuar me dhunë, se varrezat serbe po sulmohen.

Po ashtu me paturpësi shkruanin se pjesa më e madhe e organizatës terroriste ISIS janë shqiptarët. Ndër të tjera thanë se shumica e krimeve të mëdha të kryera në Evropë dhe SHBA janë kryer nga shqiptarët.

Kërkesat e tyre ndaj presidentit Trump ishin:

-Të tërhiqet menjëherë Ushtria për Kosovën.

-Të lëshohet një rezolutë që dënon persekutimin krishterëve, serbëve, hebrenjve, romëve dhe pakicave tjera nga regjimi brutal i Hashim Thaçit.

-Të ofroj mbështetje për pakicat e përjashtuara në rajon.

-Tërheqja e të gjithëve përfaqësuesve amerikan nga Kosova.

-Të mbahet një seancë në Senat mbi ndikimin dhe destablizimin e politikës së jashtme të SHBA-ve në Serbi dhe në provincat tjera serbe,

Po ashtu Bashkësia serbe kërkoi që SHBA-të të ndalojnë mbështetjen për Kosovën ose Evropa është në rrezik lufte.