Serbët e veriut duhet të kontaktojnë me Prishtinën
Përfaqësuesit e serbëve nga veriu i Kosovës duhet të pranojnë kontaktet me autoritetet në Prishtinë, që të bashkëpunojnë për çështjet praktike që lidhen me të drejtat e njeriut dhe sundimin e ligjit, tha raportuesi i Komitetit për Çështje Politike në Këshillin e Evropës, Bjorn von Sydow.

Sydow, i cili ka qëndruar ditët e fundit në Kosovë, ka thënë se ka biseduar me përfaqësuesit e serbëve të katër komunave të veriut të Kosovës dhe me organizata joqeveritare dhe se përfundimi i vetëm që imponohet për të dyja palët, edhe për autoritetet në Prishtinë e edhe qytetarët e veriut Kosovë, është “që t’i ofrojnë dorën njëri-tjetrit”.

"Kryetarët e komunave të veriut duhet të pranojnë kontaktet me autoritetet në Prishtinë, që të bashkëpunojnë për çështjet praktike. Do të ishte gjë e zgjuar sikur ta bënin këtë”, tha Sydow në Beograd, në një intervistë për Vecernje Novosti, për të shtuar se do të ishte po ashtu me rëndësi sikur serbët e veriut të kishin kontakte edhe me serbët e jugut të Kosovës.
Shtuar më 05/11/2011, ora 09:52
Shkruani komentin tuaj!
Të fundit nga kjo kategori