Serbët e veriut , i ofrojnë KFOR-it plan lëvizjeje
“Realizimi i planit do të fillojë të implementohet të enjten në orën 9:00 dhe nënkupton lirimin e një trake në rrugë të caktuara”, thuhet në një deklaratë për media të kryetarëve ilegjitim të katër komunave me shumicë serbeveri të Kosovës.

ashtuquajturit përfaqësues të serbëve në veri, kanë deklaruar se i kanë ofruar KFOR-it një plan të lëvizjes me qëllim të furnizimit me ushqim të ushtarëve të vet që ndodhën në (pikat kufitare) Bërnjak dhe Jarinjë. Por kjo lëvizje duhet të bëhet në rrugë të caktuara dhe vetëm gjatë ditës!

Sa i përket mosmarrëveshjeve rreth veprimtarisë së EULEX-it në veri të Kosovës, të ashtuquajturit përfaqësues të serbëve në veri, në mbledhjen e mbajtur të mërkurën pasdite, kanë rekomanduar drejtuesit e këtij misioni të Bashkimit Evropian që të bisedojnë me qeverinë dhe institucionet tjera të Serbisë.

I ashtuquajturi kryetar i Zubin Potokut, Slavisa Ristic, ka konfirmuar ofertën për KFOR-in. “Trupave paqëruajtëse u lejohet lëvizja vetëm gjatë ditës, sepse është në të mirë të tyre, pasi serbët lokalë e kanë humbur besimin tek ata. Nuk dëshirojmë që KFOR-i të merr pjesë në kurrfarë aksioni që ka për qëllim instalimin e institucioneve të Kosovës në veri.

Barrikadat u vendosen dy muaj më parë pas vënies nën kontroll të dy pikave doganore mes Kosovës dhe Serbisë, të cilat për vite me radhë u shfrytëzuan për kontrabandim nga strukturat paralele serbe të kontrolluara nga Beogradi zyrtar dhe grupet kriminale të kësaj pjese të Kosovës.
Shtuar më 26/10/2011, ora 22:46

Shkruani komentin tuaj!
Të fundit nga kjo kategori