Deputeti i Kuvendit të Kosovës nga radhët e Lidhjes Demokratike të Kosovës, Driton Selmanaj, e ka kritikuar vendimin e presidentit Hashim Thaçi për të nderuar me medalje për Liri e Pavarësi, kreun e Kuvendit të Shqipërisë, Gramoz Ruçi.

Kundërshtimin e tij, Selmanaj e ka shprehur me anë të një postimi në llogarinë e tij në Facebook.

“Hashim Thaçi e paska dekoru Gramoz Ruçin me medaljen për Liri dhe Pavarësi. A din kush me na tregu cili është kontributi i Gramoz Ruçit për Lirinë dhe Pavarësinë e Kosovës??! Mos u mundoni se nuk do arrini të gjeni asgjë. Klishe gjithandej”, ka shkruar Selmanaj. /albeu.com/