Selia e partisë së Ivanoviçit me kamera sigurie, a u filmua krimi
Pëlqej
Një kamerë sigurie është e vendosur lartë në katin e dytë të selisë së partisë “Liria, Demokracia, Drejtësia (SDP)” në rrugën “Sutjeska” në veri të Mitrovicës, aty ku mëngjesin e sotëm, u vra lideri i serbëve të veriut, Oliver Ivanoviç.

Ndonëse Policia e Kosovës është duke zhvilluar hetimet intensive përkitazi me vrasjen e rëndë, ende nuk dihet nëse kjo kamerë ka regjistruar krimin.

Vrasja ka ndodhur sot në orën 08 e 10 minuta vetëm pak metra larg ndërtesës së SDP-së e cila është e siguruar me kamera.

Hetimet në lidhje me rastin ende janë duke vazhduar, por deri më tani askush nuk ka përfunduar në pranga të autoriteteve.

Zv/drejtori i Policisë së Kosovësveri, Besim Hoti ka thënë për Indeksonline se menjëherë pas marrjes së informatës për sulmin e armatosur, njësitet përkatëse të policisë kanë dalë në vendin e ngjarjes dhe kanë nisur hetimet për vrasjen e ndodhur.

“Aktualisht mund të konfirmojmë se asnjë person nuk është arrestuar në lidhje me krimin”, ka thënë shkurt Hoti. /albeu.com/
Shtuar më 16/01/2018, ora 21:07
Shkruani komentin tuaj!
Të fundit nga kjo kategori