Gjatë 24 orëve të fundit, në rajon u regjistruan 1016 raste të reja me Covid-19 dhe 42 viktima.
Serbia ishte vendi me numrin më të lartë të rasteve të reja me Covid-19 në rajon, gjatë 24 orëve të fundit, me 295 raste, sipas të dhënave të WorldMeter.
Pas, Serbisë u rendit Bosnje-Hercegovina me 282 raste, Kosova me 218 raste, Shqipëria me 139 raste, dhe Maqedonia e Veriut me 82 raste.
Mali i Zi ishte i vetmi vend në rajon me zero raste të reja infektimi.
Ndërsa, Kosova sot ishte vendi me numrin më të lartë të vdekjeve me koronavirus në rajon me 15 viktima. Pas saj u rendit Serbia me 9 viktima dhe më pas Maqedonia e Veriut, Bosnje Hercegovina dhe Shqipëria secila me 6 viktima, shkruan exit.
Deri më tani në rajon janë shënuan mbi 70 mijë raste, dhe 2023 viktima.
