Rrëfehet familja e të vrarit në Mitrovicë: Valdrin Beqiri na vrau djalin
Një ngjarje e rëndë ndodhi mëngjesin e sotëm në Mitrovicë, ku një 22-vjeçar Valon Sadiku u qëllua katër herë me kallashnikov në afërsi të gjimnazit "Frang Bardhi".

Babi i Valonit, Abedin Sadiku, ka treguar për "Gazetën Express" se i njohin të dyshuarit që ia vranë djalin.

Sipas tyre, djalin e tyre e ka qëlluar për vdekje nxënësi Valdrin Beqiri nga Bajgora, bashkë me një të afërm të tij, edhe pse motivet e vrasjes nuk i di ende, por që mund të kenë pasur një konflikt mes palësh.

"Unë nuk e di qysh mundet me shku nxënësi me kallash në shkollë", tha Abedini duke iu referuar nxënësit të gjimnazit "Frang Bradhi" nxënësi i së cilës dyshohet se e qëlloi viktimën me plumba të një kallashnikovi.

Ndërkohë, mësohet se Valoni nuk ishte fëmija biologjik i Abedin Sadikut, por i vëllit të tij, i cili ia kishte dhuruar që të vogël.

Deri më tani, policia ka mundur të arrestojë vetëm njerin prej të dyshuarve dhe po punon për arrestimin e personave të tjerë të përfshirë në vrasje. /albeu.com/

Shtuar më 07/12/2016, ora 14:54
Shkruani komentin tuaj!
Të fundit nga kjo kategori