Rikthehen pritjet e gjata në Merdare
Edhe sot kanë vijuar pritjet dhe radhët e gjata në pikëkalimin kufitar Merdare, mes Kosovës dhe Serbisë.

Momentalisht dhe përgjatë gjithë ditës, radhët kanë qenë shqetësuese në kufirin e dy shteteve, raporton noa.al.

Departamenti i Policisë Kufitare të Kosovës, informon se deri në mesditë, pritejt kanë qenë me orë të tëra nga të dyja anët, si nga Kosova ashtu edhe nga Serbia, dhe radhët janë të gjata nga 200-300 metra.

Në bazë të informacioneve të pohuara nga qytetarët, e gjithë kjo pritje bëhet nga puna e ngadalshme, neglizhenca dhe mos puna e autoriteteve serbe, të cilat në mënyrë të qëllimshme po provokojnë situatë të rënduar në kufi.

Në pikëkalimet e tjera kufitare qarkullimi është duke u zhvilluar normalisht pa pritje të gjata, për këtë arsye Policia Kufitare i sugjeron qytetarët nëse munden të shfrytëzojnë për qarkullim pikëkalimet e tjera kufitare dhe të shmangin pritjetMerdare.
Shtuar më 04/08/2012, ora 17:49

Shkruani komentin tuaj!
Të fundit nga kjo kategori