Rezoluta 1244 në Kosovë është e vdekur
Presidentja e Kosovës Atifete Jahjaga ka thënë se pjesëmarrja në zgjedhjet lokale të 3 nëntorit duhet të jetë e lartë pasi kontribuojnë në një shoqëri demokratike në Kosovë.

Në një intervistë për Radio Televizionin e Vojvodinës ka theksuar se Ligji për Amnistinë është miratuar dhe se shumë qytetarë mund të angazhohen në procesin zgjedhor.

"Fjala është për kthim të besimit dhe një lloj të pajtimit politik”, theksoi Jahjaga .

Jahjaga tha se brezi i ri është "urë e bashkëpunimit" ndërmjet Kosovës dhe Serbisë dhe se të “të rinjtë nuk duhet të bëhen peng të së kaluarës sonë të dhimbshme”.

Ajo tha se Rezoluta 1244">1244 në Kosovë është "e vdekur", madje që nga viti 2008, kur Kosova shpalli pavarësinë me të cilën është shprehur vullneti i lirë i qytetarëve.

"Republika e Kosovës është një realitet që njihet nga më shumë se 100 vende të botës. Ne duam të kemi marrëdhënie të mira me Serbinë dhe unë jam e sigurt se marrëveshjet do të çojnë në normalizimin e plotë të marrëdhënieve “. /albeu.com/
Shtuar më 15/09/2013, ora 11:16
Shkruani komentin tuaj!
Të fundit nga kjo kategori