Rehatohet me punë vëllai i Agim Veliut
Pëlqej
Vëllai i kryetarit të Podujevës, Sami Veliu, është emëruar javën e kaluar ushtrues detyre i kryeshefit në ndërmarrjen “Ibër-Lepenci” në mbledhjen e parë që Bordi i kësaj ndërmarrjeje ka mbajtur për këtë vit.

Emërimi i Veliut në këtë pozitë erdhi pas dorëheqjes së kryeshefit të deritanishëm, Januz Kabashit.

Gazeta “Zëri” përmes një hulumtimi para dy javësh shkroi se rrëzimi i Kabashit, i cili është i afërt me LDK-në, ishte i pritshëm sidomos pas dy emërimeve politike që u bënë para dy javësh në Bordin e kësaj ndërmarrjeje.

Bëhet fjalë për ish-kreun e OVL-ve të UCK-së, Muharrem Xhemajlin dhe Liridon Zogianin, të dy pjesë e Partisë Demokratike të Kosovës (PDK).

Për më tepër, në rastin e Xhemajlit emërimi i tij nga shoqëria civile u cilësua edhe si i paligjshëm, meqë i njëjti ka qenë kandidat i PDK-së në zgjedhje.

Me Ligjin për Ndërmarrjet Publike kjo përbën shkelje ligjore.

“Ju informoj se Januz Kabashi për arsye personale me anë të një kërkese ka kërkuar nga Bordi i Drejtorëve lirim nga pozita aktuale si kryeshef ekzekutiv, kërkesë e cila është miratuar nga Bordi dhe më pas është emëruar Sami Veliu si u.d. i kryeshefit ekzekutiv në NH “Ibër-Lepenc”, ka thënë për gazetën Aida Sejdiu, shefe e Zyrës për Komunikim në “Ibër-Lepenc”.

Shtuar më 02/02/2018, ora 09:21
Shkruani komentin tuaj!
Të fundit nga kjo kategori