Ratifikimi i Demarkacionit jo para 3 gushtit
Qeveria e Kosovës nuk do ta procedojë Marrëveshjen për Demarkacionin mes Kosovës dhe Malit të Zi për ratifikim në Kuvend para datës 3 gusht.

Ekzekutivi është i vendosur që ta dërgojë për ratifikim Marrëveshjen e Demarkacionit mes Kosovës dhe Malit të Zi.

Por, gjithashtu pritet të zhvillohet tryeza më 3 gusht, për të parë argumentet mes palëve dhe më pas për të proceduar në institucionin më të lartë ligjvënës për ratifikim.

Arban Abrashi, zëdhënësi i Qeverisë së Kosovës, njëkohësisht ministër i Punëve dhe i Mirëqenies Sociale, është shprehur se nuk e kanë caktuar ende ditën kur do ta procedojnë, por nuk beson para datës së mbajtjes të tryezës për demarkacionin, transmeton "Zëri". /albeu.com/

Shtuar më 25/07/2016, ora 09:38

Shkruani komentin tuaj!
Të fundit nga kjo kategori