Rasti "Medicus", dënohet Lutfi Dervishi
Është dhënë dënimi për rastin "Medicus" dhe per të gjithë personat e përfshirë në të, nga trupi gjykues i Gjykatës Themelore të Prishtinës.

Që nga tetori i vitit 2011 janë mbajtur 106 seanca kundër urologut Lutfi Dervishi, djalit të tij Arban Dervishit, mjekëve Driton Jilta, Sokol Hajdini, Sylejman Dulla e Islam Bytyqi si dhe ndaj ish-sekretarit permanent të Ministrisë së Shëndetësisë, Ilir Rrecaj.

Përkatësisht Lutfi Dervishi është dënuar me 8 vjet e 10 mijë euro. Djali i tij, Arban Dervishi, është dënuar me 7 vjet e 3 muaj burg dhe me 2 mijë e 500 euro gjobë. Sokol Hajdini u dënua me 3 vjet burg, ndërkaq Driton Jilta i ka shpëtuar dënimit, shkruan “Zëri”.

Islam Bytyqi është dënuar me 1 vjet, Sylejman Sulla gjithashtu me një vjet. Që të dy janë dënuar me nga dy vjet me kusht që të mos përsërisin veprën e njëjtë penale.

Ilir Rrecaj, ish-sekretar permanent në Ministrinë e Shëndetësisë, është shpallur i pafajshëm.

Mjekut Lutfi Dervishi i është hequr e drejta për ushtrimin e profesionit për dy vjet, ndërsa të gjithë të lënduarit në rastin “Medicus” do të dëmshpërblehen me nga 15 mijë euro, para të cilat do t’i paguajë Lutfi dhe Arban Dervishi. /albeu.com/
Shtuar më 29/04/2013, ora 16:18
Shkruani komentin tuaj!
Të fundit nga kjo kategori