Këngëtari Sabian Medini ka treguar mes lotësh arsyen e fortë që e bëri të ndryshojë emrin.
Ai ka treguar se emri i tij ishte Lorenc, por kur humbi nënën vendosi të ndërronte emrin që ta ndjente më pranë dhe zgjodhi një emër të ngjashëm me të. Sabiani deklaroi se nënën e humbi më 8 mars dhe ajo quhej Shabale.
“Kur fillova të kuptoja dhe të nxirrja videoklipin tim të parë nëna ime ndërroi jetë, ka vdekur ditën e tetë marsit. Dhe unë si vizionar që doja të dilja ndryshe. Nëna ime quhet Shabale, si do ta bëja dhe thura një emër që funksionoi shumë bukur, që më ka shoqëruar deri tani. Nga Shabale në Sabian. Kjo është një mënyrë që ta kisha pranë vetes gjatë gjithë kohës”, rrëfeu ai në emisionin “S’e luan topi”.
