Radikalizmi në Kosovë vjen nga varfëria
Pëlqej
Zëvendësi i Kryeprokurorit i Zyrës së Prokurorisë Speciale të Kosovës, Jonathan Ratel është shprehur se në Kosovë në fakt ka nuanca radikalizmi fetar.

Por, sipas tij, situata është e tillë, pasi ka papunësi në nivel të lartë dhe varfëri që shkon deri edhe në mbijetesë.

"Aktualisht, Prokuroria kryen dy hetime që përfshijnë një numër njerëzish. Hetimet janë duke u zhvilluar dhe priten paditë në të ardhmen e afërt. Fjala është për akuza shumë të rënda që lidhen me pjesëmarrjen dhe rekrutimin për veprimtari terroriste. Unë nuk mund të flas për hetimet që po vazhdojnë, por mund të them se me Policinë e Kosovës kemi bashkëpunim shumë të mirë, si dhe me agjencitë e tjera që ndihmojnë në mbledhjen e dëshmive dhe që sigurojnë forma të tjera të ndihmës”, shpjegoi Ratel për gazetën gjermane “Frankfurter Allgemeine Zeitung”.

Ai ka shtuar se fenomeni i radikalizmit megjithatë nuk ekziston vetëm në Kosovë, por edhe në vende të tjera, ku të rinjtë iu janë bashkuar grupeve radikale të tilla si ISIS apo Al-Nusra. /albeu.com/
Shtuar më 21/09/2014, ora 19:53
Shkruani komentin tuaj!
Të fundit nga kjo kategori