Qeveria e Kosovës ndan 230 mijë euro për MPB-në
Qeveria e Kosovës në mbledhjen e saj ka ndarë 230 mijë euro për Ministrinë e PunëveBrendshmeKosovës.

Më kërkesë të Ministrisë së PunëveBrendshmeKosovës, ministrja e Financave, Hykmete Bajrami, në mbledhjen e qeverisë ka kërkuar që kësaj ministri t’i ndahen 230 mijë euro për dezinfektimin dhe dezinsektimin e ndërtesave qeveritare që drejtohen nga MPB-ja.

Bajrami ka bërë të ditur se ky buxhet i kërkuar nga MPB-ja do të ndahet nga rezervat shtetërore.

"Ministria e PunëveBrendshme ka bërë kërkesë për ndarjen e mjeteve shtesë financiare në vlerë prej 230 mijë eurove për Ministrinë e PunëveBrendshme për sigurimin e procesit të dezinfektimit dhe dezinsektimit të ndërtesave qeveritare që drejtohen nga kjo ministri. Duke marrë parasysh situatën pandemike dhe duke marrë parasysh shpenzimet e paparashikueshme nga kjo ministri në mënyrë që të dezinfektohen të gjitha ndërtesat të cilat janë nën administrimin e tyre, ne propozojmë që të ndahen këto mjete nga rezerva në mënyrë që procesi i dezinfektimit të mund të ndodhë edhe më tutje", theksoi Bajrami në fjalimin e saj.

Kjo kërkesë u aprovua nga i gjithë kabineti qeveritar.
Shtuar më 14/09/2020, ora 11:35

Shkruani komentin tuaj!
Të fundit nga kjo kategori