Procesi i gjykimit të Mujës po shkon drejt përfundimit
Sot në Gjykatën Themelore të Prizrenit është zhvilluar seanca gjyqësore ndaj kreut të komunës së Prozrenit, Ramadan Muja dhe pesë drejtorëve komunal.

Prokurorja e EULEX Natasha Vikeri, në seancën e sotme lexoi pikën 3 të aktakuzës e cila e ngarkon Ramadan Mujën dhe Drejtorin e Urbanizmit, Sadik Paçarizi, për shpërdorim detyre, duke i dhënë në shfrytëzim Fabrikës së Çokollatës “Kamila”, në Boka-Boka, një parcelë me sipërfaqe prej 20.000 metra katrorë, pa kompensim.

Ndërsa pika e katërt e aktakuzës do të lexohet nesër, pasi do të kenë të drejtën e fjalës edhe pala e dëmtuar.

Prokurorja e EULEX ka kërkuar dënim për Mujën dhe Paçarizin, deri në tetë vite burg.

Seanca që pritet të zhvillohet ditën e mërkurë me datë 12 shkurt, mendohet se do të japë vendimin përfundimtar për këtë çështje.

Ramadan Muja është vetëdeklaruar gjatë tërë procesit se është i pafajshëm dhe ka vepruar në përputhje me ligjet e Kosovës gjatë ushtrimit të detyrës së tij si kryetar i komunës së Prizrenit. /albeu.com/
Shtuar më 10/02/2014, ora 15:53

Shkruani komentin tuaj!
Të fundit nga kjo kategori