Presidenti do të ketë fuqi dhe legjitimitet
Jakup Krasniqi
Kreu i Kuvendit të Kosovës, Jakup Krasniqi ka deklaruar se presidentit të ardhshëm duhet t’i jepet më shumë fuqi, kurse ambasadori gjerman Ernest Reichel tha se zgjedhjet e drejtëpërdretja presidentit pritet t’i japin legjitimitet edhe më të madh.

“Duam të kemi president ceremonial por t’i japim fuqi më të madhe në shumë vendime dhe procese pasi deri më tash kemidështuar ta kemi një të tillë” ka deklaruar Jakup Krasniqi në konferecën rajonale “Kompetencat dhe roli i Presidentit në përcaktimin e modelit të Qeverisjes në Republikë – Mësimet dhe përvojat regjionale”, të organizuar nga Instituti për Studime Kushtetuese dhe Parlamentare në bashkëpunim me Friedrich Erbert Stiftung dhe Komisionin për Amendamentimin e Kushtetutës.

Kurse ambasadori gjerman Ernest Reichel tha se zgjedhjet e drejtëpërdrejta pritet t’i jap edhe më shumë legjitimitet presidentit. “Partitë politike në Kosovë janë pajtuar që të kenë zgjedhje të drejtëpërdrejta dhe kjo pritet t’i jap legjitimitet edhe më të madh presidentit” tha ai.

Kurse kryetari i Komisionit për amendamentimin e Kushtetutës së Kosovës, Arsim Bajrami tha se “është një koncensus i gjerë që nga sistemi parlamentarë i zgjedhjes së presidentit të kalohet në zgjedhje të drejtëpërdrejta nga populli” .

Sipas tij “kjo vlerësohet një arritje e madhe për të siguruar jo vetëm funksionalitetin por edhe qëndrueshmërinë kushtetuese”.
Kurse ish presidenti i Shqipërisë, Rexhep Meidanit tha se “në 2008-tën në Shqipëri u dobësua roli dhe fuqia e presidentit dhe kjo mendojë se është gabim pasi nuk mund të ndikojë në zgjidhjen e krizave sepse kur unë isha president në 1998 me fuqinë më të madhe që atëherë kishte presidenti ndikova në zgjdhjen e siutatës së krizës në Shqipëri” sqaroi Meidani.
Shtuar më 28/02/2012, ora 11:29

Shkruani komentin tuaj!
Të fundit nga kjo kategori