Kryeministri Isa Mustafa kishte premtuar se, për secilin vit të qeverisjes, do të rritej buxheti i shtetit me 500 milionë euro. Kjo pretendohej të arrihej duke vendosur rregull dhe disiplinë në administratën tatimore dhe në dogana, ndërsa gjysmën e kësaj shume parashihte ta arkëtonte në vitin 2015, shkruan Koha.

Por rishikimi i buxhetit këtë e ka demantuar. Jo që nuk i ka rritur të ardhurat, por i ka zvogëluar ato që parashiheshin në buxhetin e miratuar në fillmvit, dhe i cili ishte përgatitur nga ekzekutivi i kaluar.

Ky dështim është kaluar në heshtje nga qeveria, ndërsa ekonomistët kanë paralajmëruar se të ardhurat do të ulen këtë vit dhe vitet në vijim. /albeu.com/