Prekëse, dhjetra njerëz shkruajnë emrin e Arianit në Brezovicë (FOTO LAJM)

Dhjetëra njerëz janë mbledhur për të shkruar emrin “Arian” në Brezovicë, aty edhe ku humbi jetën dje zëvendësministri i Diasporës dhe Investimeve Strategjiike, Arian Daci.

Miqtë e Arianit po vazhdojnë ta nderojnë Arian Dacin, i cili vdiq dje si pasojë e një orteku të borës në Brezovicë.

Arianit iu dha sot lamtumira e fundit në varrezat e kryeqytetit. Për të u bënë homazhe në Kuvendin e Kosovës më pas u mbajt edhe ceremonia komemorative në Teatrin Kombëtar të Kosovës.

Personat që e njohën nga afër Arianin thanë fjalë të mëdha për të.

Ariani ndërroi jetë në moshën 40-vjeçare duke skijuar, sport ky që e kishte në gjak. Pas vetes la gruan dhe dy fëmijët.

Shtuar më 27/01/2019, ora 15:36
Shkruani komentin tuaj!
Të fundit nga kjo kategori