Policia keqtrajton Nurën ditën kur Daciç vizitoi Kosovën
Gjykata Themelore ka caktuar masën për paraqitje në stacionin policor dhe konfiskim të pasaportës për Riza Nurën. 66-vjeçari me nënshtetësi australiane u arrestua nga Policia e Kosovës në ditën kur kryeministri i Serbisë, Ivica Daciç, ka vizituar Kosovën. Mësohet se pas arrestimit ai është rrahur nga policia, dhe këtë e dëshmojnë edhe plagët që i janë shkaktuar dhe ende i ka në trup.


Sipas Zyrës për Informim të Policisë së Kosovës, Nura, brenda stacionit ka sulmuar zyrtarin policor me ç’rast i ka shkaktuar lëndime trupore, gjithashtu, lëndime trupore ka pësuar edhe i dyshuari gjatë futjes nën kontroll të situatës pasi i njëjti ka rezistuar. Që të dy janë dërguar për trajtim mjekësor.

“Pas tretmanit mjekësor i dyshuari është sjellë në stacionin policor dhe pas konsultimit me Prokurorin Kujdestar, i njëjti ka marrë Aktvendim Mbi Ndalimin e Personit të Arrestuar, për të cilin është hapur dhe proceduar rasti “Sulm ndaj personit të autorizuar zyrtar dhe pengim i personit të autorizuar zyrtar gjatë kryerjes së detyrave”, thuhet në njoftimin e Policisë së Kosovës. /albeu.com/
Shtuar më 22/10/2013, ora 11:01

Shkruani komentin tuaj!
Të fundit nga kjo kategori