Policia jep detaje për aksidentin të shkaktuar nga 14-vjeçari
Një aksident me faktaitet ka ndodhur dje në fshatin Bllacë të Suharekës, ku një katërmbëdhjetë vjeçar përderisa po e drejtonte një traktor e ka humbur kontrollin ndaj mjetit duke e goditur një shtyllë e më pas është përmbysur. Lëndime trupore ka pësuar prindi i fëmijës, i cili edhe ka vdekur.

“Rreth orës 14:50 minuta, një çun katërmbëdhjetë vjeç përderisa po e drejtonte një traktor të llojit Internacional 633 nga drejtimi i Malishevës për Duhël, tek kyçja e Lagjes së Bajraktarëve e ka humbur kontrollin ndaj mjetit duke e goditur një shtyllë e më pas është përmbysur. Lëndime trupore ka pësuar prindi i fëmijës i cili ka qenë në cilësi të pasagjerit. Ndërkaq, sipas mjekëve të Shtëpisë së Shëndetit në Suharekë, thuhet se viktima nga kalimtar rasti kishte arritur pa shenja jete” thuhet ndër të tjerash në komunikatë.

Në vendin e ngjarjes kanë dalë hetues të trafikut rajonal me eprorë përgjegjës dhe prokurori i shtetit. Trupi i pa jetë dërgohet në Institutin e Mjekësisë ligjore për autopsi.
Shtuar më 12/01/2018, ora 08:39

Shkruani komentin tuaj!
Të fundit nga kjo kategori