Nënkryetari i Partisë Demokratiuke të Kosovës, Hajredin Kuçi ka theksuar se Kosova po shkon në zgjedhje të jashtëzakonshme.

Ai tha se AAK-ja, NISMA dhe Vetëvendosje nuk arritën të fitojnë në zgjedhjet e 8 qershorit dhe se kurrë nuk kanë për të fituar.

“Rezultati nuk mund të ndërrohet me 9 qershor. Në opozitë nuk mund të na çojnë tre apo katër burra që janë mbledh, por vetëm qytetarët”, ka thënë Kuçi.

Hajredin Kuçi ka konfirmuar se në këto kushte PDK-ja është përfundimisht për zgjedhje të reja.

“Po shkojmë në zgjedhje. Kush fiton ja paftë hajrin”, ka thënë ai.

Kuçi tha se PDK-ja nënshtrohet vetëm nga populli dhe jo nga disa burra që bëjnë marrëveshje jokushtetuese./albeu.com/