Plagoset me thikë një nxënës në Mitrovicë
Sot rreth orës 7:30 në mëngjes është therur me thikë një nxënës në Shkollën e Shipolit në Mitrovicë, por viktima është jashtë rrezikut për jetë.

Lajmin për Veriu.info e ka konfirmuar edhe Skender Avdiu, drejtor i Arsimit në Mitrovicë, i cili ka treguar se sulmin e kanë kryer disa huliganë.

“Drejtoresha e shkollës me ka njoftuar se disa huliganë që kanë ardhur prej jashtë në bashkëpunim me dy nxënës, në oborr të shkollës e kanë ther një nxënës të klasës të nëntë. Sipas informacioneve fillestare, nxënësi nuk është në gjendje të rëndë, ndërsa me sulmuesit është marrë policia”, thotë Avdiu.

Edhe zëdhënësi i policisë për rajonin e Mitrovicës, Avni Zahiti, në një prononcim për Veriu.info e ka konfirmuar lajmin e incidentit në shkollën “Fazli Grajqevci” në Shipol, duke thënë se një nxënës ka kërkuar trajtim mjekësor në Spitalin Rajonal të Mitrovicës.

“Dyshohet se ngjarja ka ndodhur brenda oborrit të shkollës, pas një zënke, ndërsa njësitë policore janë në vendngjarje”, ka thënë Zahiti.
Shtuar më 02/06/2017, ora 09:54

Shkruani komentin tuaj!
Të fundit nga kjo kategori