Përvjetor i trishtë, 23 vjet nga sulmi i dytë në familjen Jashari
Kanë kaluar 23 vjet që nga sulmi i dytë nga forcat serbe ndaj familjes Jashari. Sulmi ka ndodhur në 22 janar të 1998 në orët e para të mëngjeit, nga Fabrika e Municioneve të Gjuetisë, rreth 500 metra larg shtëpive të lagjes Jashari, kishin lëvizur forca të policisë serbe, të cilat ishin drejtuar kah Kulla e Jasharëve, për të sulmuar ata.

Atë natë të trishtë Adem Jashari nuk ishte në shtëpi, por rezistencë sulmit i bënë Hamza dhe Shabani, bashkë me anëtarët e tjerë.

Ndërkohë sulmi i tretë i Serbisë në familjen Jashari ka ndodhur më 5 mars të vitit 1998 ku pas një lufte që kishte zgjatur tri ditë, kishin rënë heroikisht 59 anëtarë të familjes Jashari, përfshirë edhe komandantin legjendar të UÇK-së, Adem Jasharin.

Me këtë rast Komuna e Skenderajt së bashku me shoqatat e dala nga lufta e UÇK-së, do të bëjnë̈ homazhe në shenjë nderimi për heroizmin e jashtëzakonshëm të familjes Jashari. (Kompleksi Memorial “Adem Jashari”, në Prekaz, ora, 10:00).
Shtuar më 22/01/2021, ora 08:13

Shkruani komentin tuaj!
Të fundit nga kjo kategori