Përmbyset traktori, humb jetën 57 vjeçari nga Istogu
Pëlqej
Një 57 vjeçar ka humbur jetën në fshatin Uqë të Istogut gjatë mesditës së sotme pas rrokullisjes së traktorit të tij.

Burime zyrtare nga policia e Rajonit të Pejës bëjnë me dije se ngjarja ndodhi në bjeshkët e këtij fshati ku duke kryer punët e tij, 57 vjeçari është aksidentuar duke humbur jetën.

“Të dielën rreth orës 14:30, Policia e ka marrë informatën se në bjeshkët e Uqës ka ndodhë një rast ku një person është rrëzuar me traktorin e tij. Njësitet policore së bashku me mjekun kujdestar kanë dalë në vendin e ngjarjes, i cili e ka konfirmuar vdekjen e një personi të moshës 57-vjeҫare”, bëjnë me dije burime zyrtare.

Mësohet se në vendin e ngjarjes ka dalë edhe prokurori, me vendim të së cilit trupi i pajetë i viktimës i është dorëzuar familjes për ceremoni të varrimit.
Shtuar më 12/11/2018, ora 15:44
Shkruani komentin tuaj!
Të fundit nga kjo kategori