Punët për organizimin e pesë vjetorit të pavarësisë së Kosovës kanë filluar në kohën e duhur dhe po shkojnë sipas planit të paraparë. Në mbledhjen e këshillit organizativ të mbajtur sot, zëvendëskryeministri i Kosovës Hajredin Kuçi tha se i gjithë spektri politikë në vend është unik në pjesëmarrjen e organizimit të këtij përvjetori të 17 shkurtit.


“Unë them se përgatitjet nuk kanë filluar asnjëherë më me kohë dhe në kuptimin më unifikues. Janë përfaqësuesit e të gjitha institucioneve, qoftë në nivel lokal qoftë ato në nivel qendror, po ashtu janë, përfaqësues të gjitha partive politike. Ne do të kujdesemi që të jenë prezent të gjithë ata që kanë ndihmuar në pavarësinë e Kosovës”, tha Kuçi.

Kuçi u shpreh se per kete aktivitet do të ketë shpenzime në dy nivele ato në nivel qendror dhe ato lokal. /albeu.com/