Për reformën zgjedhore, kërkohet ndihma e Komisionit të Venedikut
Kryeministri i Kosovës Hashim Thaçi nëpërmjet rrjetit social “Facebook”, ka theksuar se pas ngërçit ndërpartiak të reformës zgjedhore në vend, për daljen nga kjo situatë mendon se është e nevojshme të thirret në ndihmë Komisioni i Venedikut.

“Pas ngërçit të panevojshëm ndërpartiak të reformës zgjedhore dhe me qëllim të arritjes së standardit evropian, akomodimit të kënaqshëm të të gjitha palëve dhe stabilitetit elektoral për të gjitha palët dhe komunitetet, mendoj se është e nevojshme ftesa dhe sjellja në Kosovë e Komisionit të Venedikut për ofrimin e këshillave legale dhe profesionale për një sistem më funksional zgjedhor!

Ky sistem duhet t’ju përshtatet kushteve dhe rrethanave në Kosovë. Komisioni i Venedikut ka pasur një rol të rëndësishëm në të gjitha vendet e Evropës Juglindore gjatë procesit të tranzicionit demokratik”, shkruan Thaçi në faqen e tij zyrtare në Facebook. /albeu.com/
Shtuar më 04/01/2014, ora 13:37

Shkruani komentin tuaj!
Të fundit nga kjo kategori