Peja protestë për Haradinajn
Dega e Aleancës për Ardhmërinë e Kosovës në Pejë, ditën e sotme organizon protestë në përkrahje të liderit të AAK-së, Ramush Haradinaj.

Në konferencën e djeshme të mbajtur në selinë e degës, kryetari i këtij subjekti në Pejë, Fatmir Gashi ka shpalosur agjendën për protestën që mbahet të shtunën në ora 13:00 në qendër të Pejës në përkrahje të liderit të AAK-së, Ramush Haradinaj.

Gashi ka vlerësuar që tashmë, pasi Serbia ka dorëzuar dosjet është vërtetuar se ndalimi i Ramushit është krejtësisht politik.

“Në këtë situatë kur Ramushi ndalet në Francë, jemi dëshmitarë të disa lëvizjeve si treni, pastaj paralajmërimet për formim të Asosacacionit e sidomos deklaratave se demakracionit duhet të kalojë shpejtë në muajin shkurt, që në fakt janë të habitshme pse po ndodhin mu tani kur kryetari Haradinaj nuk është këtu”, ka thënë Gashi

Kreu i ri i degës së AAK-së në Pejë, i cili edhe është kandidat për kryetar të Komunës së Pejës nga ky subjekt, ka ftuar qytetarët e Pejës dhe dukagjinit që t’i bashkohen protestës paqësore, e paraparë për sot nga ora 13:00 në Pejë.

“Ne u bëjmë thirrje qytetarëve të Komunës së Pejës dhe Dukagjinit, që më 4 shkurt masovikisht të dalin në ora 13:00 në qendër të qytetit dhe të ngritet zëri për ndalimin e Ramushit por edhe për demarkacionin që po tentohet që shpejtë e shpejtë të aprovohet në këtë kohë”, ka thënë Fatmir Gashi./Albeu.com/
Shtuar më 04/02/2017, ora 08:23

Shkruani komentin tuaj!
Të fundit nga kjo kategori