PDK-ja nuk do kamera në vendvotime
Ndonëse është hedhur ideja e vendosjes së kamerave në qendrat e votimit, PDK-ja është kundër instalimit të tyre. Sipas anëtarëve të partive politike prezenca e kameravevendvotime shmang parregullsitë dhe manipulimet, shkruan Zëri.

Ndërsa PDK-ja thekson se vendosja e kamerave në qendrat e votime cënon liritë individuale, ndryshe nga sa mendojnë shumica e partive.

Nënkryetari i Komisionit për reformë zgjedhore, Halit Krasniqi ka thënë se PDK-ja ka qenë për t’i vendosur kamerat porse siç ka thënë ai, nga të gjitha studimet që i kanë bërë të sistemeve zgjedhore të shteteve me demokraci të zhvilluar nuk preferohen kameratvendvotime.

Ndërsa, nënkryetari i Aleancës Kosova e Re (AKR), ministri Ibrahim Makolli, thotë se kjo parti vazhdon të mbajë qëndrimin që nga viti 2007 që zgjedhjet duhet të monitorohen nga kamerat, kjo për faktin se kamerat do ta parandalojnë në një mënyrë keqpërdorimin e votave.

Nga ana tjetër, kryetarja e KQZ-së, Valdete Dakaj e sheh si të pamundur instalimin e kameravevendvotime.

“Së pari duhet të ketë bazë ligjore që të bëhet kjo, e në këtë moment nuk e kemi këtë bazë ligjore, sepse nuk është paraparë ajo”, tha Dakaj.

Ndërsa, përfaqësuesi i lëvizjes “Vetëvendosje”, Alban Krasniqi thotë se ata gjithnjë kanë kërkuar një formë të tillë të kontrollit sepse siç shprehet ai, instalimi i kamerave nëpër vendvotime e rrit transparencën dhe zvogëlon mundësinë që procesi të deformohet. /albeu.com/
Shtuar më 19/08/2013, ora 13:02
Shkruani komentin tuaj!
Të fundit nga kjo kategori