Kryeministri i Kosovës, Hashim Thaçi informoi kabinetin qeveritar për takimin e Grupit Drejtues Ndërkombëtar i cili vendosi për përmbylljen e mbikëqyrjes së pavarësisë.

Thaçi theksoi se ky vendim ka hapur një kapitull konkret për Kosovën në NATO dhe Bashkim Evropian. Institucionet në Prishtinë presin që përmbyllja e këtij procesi të sjell edhe njohje të reja për shtetin e Kosovës.

"Tani për Kosovën është hapur një etapë e re e konsolidimit dhe forcimit, por edhe e njohjes së saj ndërkombëtare. Në të njëjtën kohë është hapur edhe kapitulli konkret i integrimit të shtetit të Kosovës në NATO dhe BE",-u shpreh Thaçi. Ai nënvizoi se tashmë institucionet duhet të përkushtohen në forcimin e sundimit të ligjit dhe rritjen e mirëbesimit për qytetarët. /albeu.com/