Partia turke nuk voton që heronjtë të vendosen në Prizren
Kuvendi Komunal(KK) i Prizrenit, sot vendosi për lejimin e vendosjes në bronz në Prizrenin e Lidhjes Shqiptare, të dy figurave të rëndësishme të historisë sonë kombëtare, Gjergj Kastriotit-Skënderbeut dhe Adem Jasharit

Në këtë qytet do të ngritet busti i Skënderbeut si dhe shtatorja e komandantit legjendar, Adem Jasharit.

Në debatin e kuvendarëve rreth pikës në të cilin ishte paraparë kjo çështje, u tha se këta janë ndër figurat më të rëndësishme të historisë kombëtare shqiptare, andaj për këtë duhet të zgjedhen lokacione të përshtatshme për ngritjen e tyre në qytet, shkruan gazeta prizrenit.

Propozimi i hedhur në votim është përkrahur nga asamblistët e subjekteve shqiptare dhe ata të koalicionit boshnjak Vakat, ndërsa kanë abstenuar ata nga partia turke KDTP dhe NDS-i boshnjak.

Për jetësimin e këtyre projekteve do të kujdeset ekzekutivi komunal.
Shtuar më 28/09/2018, ora 16:33

Shkruani komentin tuaj!
Të fundit nga kjo kategori