Të premten mbi vendin tonë parashihet të mbajë mot me diell dhe vranësira të shpërndara.
Temperaturat maksimale do të arrijnë deri 19 gradë Celsius. Të shtunën do të mbajë mot kryesisht i vranët dhe herë pas here me shi. Temperaturat maksimale do të shënojnë zbritje të përkohshme.
Gjatë këtyre dy ditëve temperaturat minimale do të lëvizin ndërmjet 3-6 gradë Celsius, ndërsa ato maksimale 12-19 gradë Celsius.
Do të fryjë erë nga drejtimet jugperëndim dhe verilindje me shpejtësi 1-6 m/s, njofton Instituti Hidrometeorologjik i Kosovës.