Paralajmërimi i xhudistes, LDK: Ministria synon ta zhveshë Kosovën nga ikonat sportive
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Lidhja Demokratike e Kosovës e ka përcjellë me shqetësim të madh indiferencën e Ministrisë së Kulturës ndaj kërkesave legjitime të një sportisteje me nam botëror, xhudistes Majlinda Kelmendi.


Përmes një deklarate për mediat, LDK-ja vlerëson se Kelmendi paraqet vlerë të pakontestueshme sportive dhe vlerë përfaqësuese të saj. Prandaj, largimi i saj drejt një vendi tjetër për ne nënkupton varfërim të Kosovës edhe për një nga ikonat përfaqësuese të saj.



“Ne jemi të vetëdijshëm se një kastë politike e cila provoi që Kosovën ta zhveshte nga ikona e humanizmit, Nëna Tereze, pastaj nga ikona politike, dr. Rugova, me lehtësi mund të provojë ta zhveshë atë edhe nga ikona e saj sportive: xhudistja Kelmendi. Ne i bëjmë thirrje Federatës së Xhudos të Kosovës, xhudistes Kelmendi dhe trajnerit Kuka që të mos heqin dorë nga vendi i tyre për shkak të ftohtësisë me të cilën kasta politike në krye të ministrisë po ua imponon largimin nga vendi. Vlerat e tyre janë vlera të vendit të tyre dhe identiteti sportiv i tyre po e ndihmon edhe identitetin politik të Kosovës në arenën ndërkombëtare. Kosova ka nevojë për këtë përfaqësim dhe ne i inkurajojmë ata që të vazhdojnë, megjithë vështirësitë, që t’i shërbejnë atdheut të tyre”, thuhet në komunikatën e LDK-së.
Shtuar më 26/02/2013, ora 15:13
Shkruani komentin tuaj!
Të fundit nga kjo kategori
 
Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian

Tauland dhe Granit Xhaka janë dy vëllezërit që përballen në skuadra të ndryshme për herë tëparë në një Kampionat Evropian