FIFA World Cup 2021 ka mësuar sot rrugëtimin e saj, pasi në selinë e FIFA në Zyrih u hodh shorti për këtë kompeticion që zhvillohet nga data 3 shkurt më 12 shkurt në Emiratet e Bashkuara Arabe.
Ndeshja hapëse e Kupës së Botës për Klube do të jetë ajo mes Al Jazira Club, që përfaqëson organizatorët, me Auckland City (Zelandë e Re), që ka fituar Champions League në Oqeani. Ky është duel i raundit të parë.
Në raundin e dytë ka dy takime. Njëri është ai mes Al Ahly (fitues i CAF Champions League) dhe CF Monterrey (fitues i Concaf Champions League). Fituesi në gjysmëfinale gjen skuadrën e Palmeiras, që fitoi së fundmi Copa Libertadores.
Al Hilal (fitues i AFC Champions League) përballet me fituesin e çiftit Al Jazzira-Auckland City. Nga ky duel i turit të dytë del kundërshtari i Chelsea, që ka fituar UEFA Champions League.
Goglat në shortin e hedhur sot i tërhoqi edhe një shqiptar, Blerim Xhemaili që ka luajtur në Serie A, Angli, Turqi dhe së fundmi është pjesë e Zurich në Zvicër.
