Padia e qytetares detyron Vetvendosjen të përjashtojë anëtarin e saj
Pas padisë që ka ardhur nga ana e një qytetareje nga Vitia për kërcënim, lëvizja Vetëvendosje, ka përjashtuar gjatë ditës së djeshme anëtarin me inicialet S. D.

Anëtarja e Lëvizjes Vetëvendosje, Nazlie Bala, përmes një postimi në profilin e saj zyrtar në rrjetin social ‘Facebook’, ka njoftuar vendimin e LVV.

Postimi i Balajt:

Komisioni Disiplinor i Lëvizjes VETËVENDOSJE! ka marrë dje vendim për përjashtimin e anëtarit S. D. (Emrin e plotë nuk po e publikojmë për të ruajtur privacinë e personit).

Anëtari në fjalë ka 14 ditë kohë për t’u ankuar ndaj këtij vendimi pranë Komisionit për Shqyrtimin e Ankesave.

Ky vendim është marrë pas analizës së bërë nga komisioni, dhe është bazuar në vendimin e Gjykatës së Qarkut në Viti, në lidhje me kërcënimet që kanë ndodhur, si dhe cenimin e integritetit të një qytetareje të Vitisë e cila e ka paditur personin në fjalë.

Raste të tilla janë të patolerueshme për vlerat shoqërore të cilat Lëvizja VETËVENDOSJE! synon të çojë përpara. /albeu.com/
Shtuar më 09/05/2018, ora 20:00

Shkruani komentin tuaj!
Të fundit nga kjo kategori