Presidenti serb, Aleksander Vuçiq ka zhvilluar pak ditë më parë një intervistë për mediumin ‘FoerignPolicy’.
Në një intervistë të gjatë Vuçiq ka folur edhe rreth Kosovës, dhe bisedimet në mes të dyja palëve, shkruan IndeksOnline.
Ai ka thënë që shpreson se Kosova do ta largojë taksën mirëpo kjo gjë do të ndodhë vetëm për shkak të presionit që SHBA ka bërë mbi Kosovën, sepse përndryshe sipas tij nuk do të largohej kjo tarifë.
Po ashtu Vuçiq si zgjidhje për situatën me Kosovën e sheh vazhdimin e dialogut e ku tha “Ne duhet të vazhdojmë me dialogun dhe me të gjitha përpjekjet e nevojshme për të gjetur një kompromis të mundshëm”.
Mirëpo sipas presidentit serb të dyja palët duhet të garantohen për një të ardhme sipas tij ‘shumë më të mirë’.
