Lideri i AKR-së Behxhet Pacolli akuzoi sot Hashim Thaçin, Ramush Haradinajn dhe Albin Kurtin se po e përdorin postin e Presidentit për shantazhe dhe përfitime politike. Gjatë një interviste për Express, zëvendëskryeministri i Parë ka thënë se nëse dikush mendon që posti i Presidentit duhet të shfrytëzohet si mjet shantazhi ose pazari politik, atëherë kjo është papërgjegjësi ndaj qytetareve të Kosovës.

“Tani nuk dua të flas për emrat por në përgjithësi. Nëse vazhdohet të mendohet që posti i Presidentit të shfrytëzohet si instrument shantazhi apo pazari për qëllime politike, atëherë nuk besoj se është konform përgjegjësisë ndaj qytetarëve që të kanë votuar”, ka thënë Pacolli. /albeu.com/