Pacolli diskuton për demarkacionin në Washington
Ministri i Punëve të Jashtme, Behgjet Pacolli po vazhdon të qëndroj në ShBA, ku edhe po takohet me disa nga krerët shtetërorë atje.

Pacolli ka bërë të ditur se është takuar me Ndihmës Sekretarin e Shtetit për Evropë e Azi, Wess Mitchel, të shoqëruar më Zëvendës Ndihmës Sekretarin e shtetit, Hoyt Yee.

Ai është shprehur se mbështetja amerikane për Kosovën, do të vazhdojë të jetë edhe më e fuqishme, derisa ka përmendur kalimin e demarkacionit dhe fillimin e dialogut Kosovë-Serbi.

Postimi i tij i plotë në facebook:

Një takim shumë pozitiv dhe shpresëdhënës dy-palësh me aleatët tanë strategjik Shtetet e Bashkuara të Amerikës në Uashington.

Takova në Departmantin Amerikan të Shtetit Ndihmës Sekretarin e Shtetit për Evropë dhe Euro-Azi, z. Wess Mitchel, i cili ishte i shoqëruar edhe Zëvendës-Ndihmës Sekretarin e Shtetit, Hoyt Yee.

Ri-konfirmuam bashkëpunimin dhe marrëdhëniet e shkëlqyera në mes dy vendeve dhe dy popujve në të gjitha fushat. Mbështetja amerikane për Kosovën do të vazhdojë të jetë edhe më e fuqishme.

Jemi në sintoni të plotë në çdo hap dhe veprim. Kalimi Marrëveshjes së demarkacionit me Malin e Zi dhe fillimi i dialogut Kosovë-Serbi mbeten çështje kryesore. Partneriteti dhe aleanca ynë strategjike është e palëkundur dhe e përjetshme.


Shtuar më 30/11/2017, ora 08:33

Shkruani komentin tuaj!
Të fundit nga kjo kategori